Wettbewerbe
BEZIRKSENTSCHEED "Jungs un Deerns leest Platt 2011"
An 5. Mai 2011 geev dat dütt Johr glieks veer Utscheedungen för dat Vörlesen "Jungs un Deerns leest Platt". Twee op horborger Bodden un twee op de anner Siet vun de Elv in Niendörp un Bardörp. Uns dree Kinner ut dat Heisenberg-Gymnasium weren inlaadt in de Marmstörper School to lesen. Söventeihn Kinner leest in düsse Utscheedung ehr Geschichten ünner de Ogen vun de dreeköppig Jury, de in düssen Johr ut twee Fruunslüüd un een Keerl bistünn
Slag dree schull de Utscheedung anfangen un de Kinner weren all bannig opregt. De Vörsitter över lett noch töven, wiel de, de dat Seggen het an de Marmstöper School, in Stau stickt.
Un los!
Denn güng de Saak kloor un dat Lesen los! Toeerst lesen acht Deerns un een Jung ut de Johrgäng dree un veer mit groten Iver ehr humorigen Geschichten op Platt deīn interesserten Tohörers vör. Achteran keem söss Kinner ut de Johrgäng fief un söss. Uns Clara Raut (5b) mit ehr Geschicht "Bitte recht freundlich" von Irmgard Harder weer glieks de Tweete in düssen Köppel. As Föffte leest Björn Meyer (5c) sien Geschicht "Herr Fünsch un Herr Fuchtig" vun Heinrich Hannover. Beiden sünd all ole Hasen, Björn leest all 2009 in Bezirksentscheed in de "Kersche" un för Clara is de Marmstörper School een Stück "Heimot"! All beiden sünd bannig goden Plattdüüschlesers, över dütt Johr komen de Kasperlgeschichten vun de "Röver Hotzenplotz" beter bi de Jury an.
Klassenstufe 7 bis 9
Toletzt lesen een Mannsminschen un twee Deerns ut de Johrgäng söven bet negen. Uns Lannessieger 2007 un 2009 Karsten Meyer (9a) leest gegen een Deern vunīt Immanuel Kant Gymnasium un Caja Meier ut Finkwarder. Toeerst leest Karsten sien Geschicht vunīt "Swartbrennen", denn keem Caja mit een Geschicht vun ehr Mudder un achteran hören de Tohörers een Geschicht vun Ina Müller. Caja Meier het de Nees vörn in düssen Köppel. Över vundaag weern twee Kinner wieder un so list Karsten ok düttmaal biīn Endentscheed inīt Ohnsorg-Theoter.
De Winners het:
| III./IV. | 1. Hannah Behrendt |
| V./VI. | 1. Vincent Schark |
| VII./IX. | 1. Caja Meier |
| 2. Karsten Meyer |
Bi de Groten, de Johrgäng teihn bet dörteihn harren sik dütt Johr man blots so wenig Kinner mellt, dat uns Henrik Augstein (10a) un uns Inga Schwemin (S4) ohn Gegenslüüd wieder weern.
Wi danken all uns Schoolkinner vun dat Heisenberg-Gymnasium, de leest hebbt, un seggen veelen Dank to ehr Öllern, Grootöllern un Schoolmeisters, de mit jem Plattdüütsch leest hett. Mit dat Gymnasium in acht Johrn blifft nich mihr veel Tied för Wettstrieden . Hartlichen Dank dat ji liekers de Plattdüütschen Sproak tro bleven, ok wenn ji nich jümmers winnen künnt.
In Endentscheed an 5. Juni 2011 inīt Ohnsorg-Theoter drücken wi Karsten un de al so tolaten Inga un Henrik ganz fast de Dumen!
Birgit Augstein
lieber Hochdeutsch?