SCHOOLENTSCHEED "Schoolkinners leest Platt 2012"
Dat harrn wi hatt! Twischen Tüchniskonferenzen un schreven Abitur hett dütt Johr uns Schoolentscheed to'n 17. Vörleswettstriet "Schoolkinners leest Platt" 2012 sein Steed funnen. An Dunnersdag, den 26. Januar, geev dat wedder een Utscheedung för dat plattdüütsche Vörlesen in de grote Konferenzsaal vun't Heisenberg-Gymnasium.
Jan Kleinichen, uns Plattdüütschmaat, begröt de Lesers, ehr Öllern, Grootöllern, Frünnen un de Jury, de in düssen Johr ut uns Konrektor a.D. Dr. Carsten Schuldt un uns Schoolmeister Jürgen Wepler bestünn.
Ok in't Johr 2012 bruken wi blots för de Kinner ut de föften un sössten Klassen een Schoolentscheed. In de Johrgäng fief uns söss heft sik negen Schoolkinner funnen, de Spoß an dat plattdüütsche Vörlesen hett.
Ehr dat de negen Kinner in Wettstriet güngen, lesen uns "Grooten", de dütt Johr ohn Gegenslüüd in de School sünd. Anfangen dee Henrik Augstein (S1), nakamen deen Meret Hoyer (8b) un Nikita Chesnovitkiy (9b). De dree un Karsten Meyer, de vundaag mit sien Schoolklass in Neengamm weer, vertreden dat Heisenberg-Gymnasium in Twischenentscheed.
De lütten Gören weren bannig gespannt, wer nu toeerst lesen schullt. Elias Raut lost de Reeg ut, he trock de Noms ut een grooten Pott. Un denn fungen de söven Deerns un twee Jungs an ehr Geschichten to lesen. Toeerst leest Clara Raut (6b), achteran komen Sofie Dürotin un Alina Niedling (5b), denn leest Lukas Kremer (6a), achternah Charlotte Regelski (5d) un toletzt lesen Angelina Klucznick un Georg Erichsen (5b).
De Jury beraatslaagt un achterran maakt Dr. Carsten Schuldt dat Resultot bekannt! De Kinner hett al good leest - man een weer de Best un denn weer doar een "Hupen", de weer een beten better as de annern. De eerste Platz güng an Clara Raut. Clara, man ok Sofie Dürotin, Charlotte Regelski un Lukas Kremer lesen nu bi'n Twischenentscheed in Johrgäng fief un söss för dat Heisenberg-Gymnasium.
ToŽn Enn dankt Jan Kleinichen al uns Vörlesers un ehrn Öllern, Grootöllern un Schoolmeisters, de mit jem övt hebbt. Jeedeen de hüüt in Schoolentscheid leest hett kreeg hütt den Smöker "Fiete lehrt Plattdüütsch", de uns Schoolvereen "Freunde des Heisenberg-Gymnasiums e.V." utgeben hett.
Hebbt wedder veel Spoß mit de Plattdüütsche Sprok! Clara, Sofie, Charlotte, Lukas, Meret, Nikita, Karsten un Henrik drückt wi de Dumen för dat Lesen in Twischenentscheed in de Marmstörper School.
lieber Hochdeutsch?