Plattdüütsch
"Wi bruukt engageerte Lüüd, de mit uns Kinner Plattdüütsch snackt"Dat Lesen vun plattdüütsche Geschichten hett siet Joahren een Traditschoon an't Heisenberg-Gymnasium. Eenmol in't Joahr leest uns Schoolkinner bi een Plattdüütsche Vörleeswettbewerb:
- In Joahrn mit een grood Joahrstall loodt de Vereen "Plattdüütsch leevt" all Schoolkinner ut de Süderelvruum to dat Vörleesen "Schoolkinner leest Platt" in.
- In Joahrn mit een ungrood Joahrstall loovt de Behörde für Bildung und Sport dat Vörleesen "Jungs un Deerns leest PLATT" för all Hamborger Schoolkinner ut.
Lang Joahrn hett uns Schoolmeistersche Fru Ahlers uns Schoolkinner för düsse Wettstrieden rüst. Jüst denn keem de Dag wu sei ut'n Schooldeenst utscheiden müss. Wat nu?
Dat geev jümmers noch Jungs un Deerns de ehr leev för de Plattdüütsche Spraak funnen harn. Mit ehrn Öllern un Grootöllern övt sei de Texten. Denn griept sei sik ein hochdüütsche Schoolmester de jem anmellen sull. Bi fief Kinner in de Joahrgäng fief un söss brukt sei ok noch ein Utscheedung in de eegen School. För de Jury keem blots Fru Ahlers in Fraag. Un de deit dat ok jümmers noch geern.
In dat Joahr 2006 geev dat den een niege Plattdüütschmeester för dat Heisenberg-Gymnasium, Fru Wallschlag. Bi dat Vörleesen "Schoolkinner leest Platt" 2006 mookt in de Joahrgäng fief un söss elven Schoolkinner in de eigen School mit. Un ok in de Joahrgäng söven bet teihn leest wedder twee Kinners.